հաճախ տրվող հարցերի

հաճախ տրվող հարցերի

 

Ամառային ծրագրերի սիրելի մասնակիցներ,

Ստորև ներկայացնում ենք առավել հաճախ տրվող հարցերի պատասխանները: Հուսով ենք, դրանք օգտակար կլինեն ձեր ուղեւորության ծրագրավորման համար: Եթե չեք գտնում ձեզ հուզող հարցի պատասխանը, կարող եք կապվել մեզ հետ։

Իրերից ի՞նչ վերցնել Ձեզ հետ։ Արդյոք որևէ հատուկ բան է անհրաժեշտ ծրագրերից մեկի համար:

Մենք խորհուրդ ենք տալիս ձեզ հետ վերցնել՝

  • սվիտեր, թեթև բաճկոն, ջինսե տաբատներ, տաք գուլպաներ;
  • առնվազն երկու զույգ հարմարավետ, սպորտային կոշիկներ
  • թեթև, ամառային կոշիկներ
  • սպորտային վերնաշապիկներ, կիսատաբատ, գուլպաներ և ներքնազգեստ
  • հատուկ միջոցառումների համար նախատեսված տոնական հագուստ
  • գլխարկ, արևապաշտպան քսուկ և արևային ակնոցներ լողազգեստ, լողի համար նախատեսված պարագաներ, ամառային հողաթափեր
  • անձնական հիգիենայի պարագաներ․ ճիլոպ, սանր, ատամի խոզանակ, ատամի մածուկ, շամպուն, լոգանքի հեղուկ կամ օճառ։
  • հիգիենիկ պարագաներ աղջիկների համար;
  • թենիսի սիրելի ռակետ 

Եթե ծրագրերից մեկին մասնակցության համար հատուկ իրեր են անհրաժեշտ, մենք կտրամադրենք դրանք։ 

Ի՞նչ փաստաթղթեր է անհրաժեշտ ունենալ Ձեզ հետ։

Ընդհանուր պայմանների կետերին համապատասխան (կ․5, եկ․ 5․3․3) Ձեզ հետ պետք է ունենաք հետևյալ բոլոր փաստաթղթերի բնօրինակը․ 

  • Վավերական արտասահմանյան անձնագիր (ՀՀ ռեզիդենտ չհանդիսացող անձանց համար);
  • Ամառային ծրագրերին երեխայի մասնակցության համար տրված բժշկական տեղեկագիր կամ երեխայի ամբուլատոր քարտի քաղվածք՝ հետևյալ տեղեկատվությամբ․
    • երեխայի անուն, ազգանուն, հայրանուն;
    • ծննդյան տարեթիվ և ամսաթիվ;
    • բնակության վայր;
    • ախտորոշում (հիմնական, ուղեկցող, բարդություններ);
    • հիվանդության համար դիմելու ամսաթիվ;
    • ապաքինման ամսաթիվ;
    • վերջին մեկ ամսվա ընթացքում վարակակիր հիվանդների հետ շփման տեղեկագիր;
    • անամնեզ  (հետազոտում, նշանակումներ);
    • «ֆիզկուլտուրա» առարկայի խումբ;
    • խորհուրդներ (մասնավորապես՝ երեխայի համար ֆիզիկական ակտիվության թույլատրելի տեսակներ, ծանրաբեռնվածության մակարդակը, Ֆիզկուլտուրայով զբաղվելու համար անհրաժեշտ հատուկ պայմաններ);
  • Պատվաստումների մասին տեղեկագրի քաղվածք;
  • հաճախորդի կողմից ստորագրված դիմում (եթե այն նախապես չի ներկայացվել);
  • 14-17 տարեկան մասնակիցների անձնական տվյալների օգտագործման համաձայնություն
  • Ծնողների՝ նոտարով հաստատված համաձայնությունը երեխային՝ ՌԴ-ից արտերկիր տանելու վերաբերյալ (ՀՀ ռեզիդենտ չհանդիսացող անձանց համար);
  • մասնակցի բժշկական ապահովագրության հաստատում։
Օրվա ընթացքում քանի անգամ է սնունդ մատուցվում։

Մասնակիցներին կմատուցվի սնունդ օրական 5 անգամ․ նախաճաշ, ճաշ, հետճաշիկ, ընթրիք

Ինչպե՞ս է երաշխավորվում ճամբարի անվտանգությունը։

Տարածքը շուրջօրյա նկարահանվում է և գտնվում է անվտանգության աշխատակիցների շուրջօրյավերահսկողություն ներքո։ Մանրամասն տեղեկատվություն կարող եք գտնել հարց 9-ի պատասխանում։ 

Ինչպե՞ս է իրականացվում առաջին բուժօգնությունը։

 

Ճամբարի տարածքում շուրջօրյա գործում է համապատասխան սարքավորումներով հագեցած բժշկական կենտրոնը, որտեղ աշխատում են որակավորված բժիշկ ու բուժքույր։ Հատուկ մասնագետ ներգրավելու անհրաժեշտության դեպքում երեխան կտեղափոխվի Տավուշի բժշկական կենտրոն, որը գործում է շուրջօրյա, իսկ անհրաժեշտության դեպքում կկազմակերպվի երեխայի տեղափոխումը Երեւան։

 

Անհրաժեշտության դեպքում ինչպե՞ս կապվել երեխայի հետ։ Ինչպե՞ս գտնել ճամբարի տնօրենի և դասընթացավարների կոնտակտային տվյալները։ Ո՞ւմ կարելի է դիմել օրվա ցանկացած ժամին։

Բոլոր խմբերը կապահովվեն հայաստանյան հեռախոսահամարով, որով հնարավոր կլինի կապ հաստատել երեխայի հետ։ Հեռախոսահամարը, ինչպես նաև անձնակազմի կոնտակտային տվյալները ձեզ կտրամադրվեն հերթափոխների սկզբում։ 

Անհրաժե՞շտ է արդյոք երեխային գրպանի գումար տրամադրել։

Ծրագրի ընթացքում երեխաներն ապահոված կլինեն անհրաժեշտ ամեն ինչով,  այդ թվում, ծրագրում ընդգրկված տեսարժան վայրեր այցելությամբ։ Էքսկուրսիաների ընթացքում երեխաները երբեմն հուշանվերներ և պահպանման երկար ժամկետ ունեցող սննդամթերք գնելու հնարավորություն կունենան։ Դուք ինքներդ եք որոշում ձեր երեխային գումար տրամադրելու անհրաժեշտությունը և գումարի չափը, ինչպես նաև պայմանավորվում Ձեր երեխայի հետ այդ գումարը պահելու պատասխանատվության մասին (տես հարց 8)։

Որտե՞ղ պահել թանկարժեք իրերը (հեռախոս, գումար)։

Քոլեջի տարածքն ապահովված է թանկարժեք իրերի պահպանման համար նախատեսված արկղերով։ Հերթափոխի ընթացքում յուրաքանչյուր երեխայի, ըստ իր դիմումի, անհատական արկղ կտրամադրվի։

Ազատ ժամանակ ո՞վ է պատասխանատու երեխաների համար, և ո՞վ է հսկում նրանց։

Ծրագիրն այնպես է կառուցված, որ երեխան, երբ իր սենյակում չէ, միշտ գտնվում է անձնակազմի վերահսկողության տակ։ Ընդ որում, Ընդհանուր պայմանների կետերով (Պ․ 1, կ․ 3), երեխային արգելվում է՝

  • գտնվել ընդհանուր օգտագործման տարածքում առանց ծրագրի ղեկավարների ուղեկցության կամ թույլտվության;
  • ինքնակամ լքել ճամբարի տարածքը;
  • զբոսանքների և միջոցառումների ընթացքում առանց ուղեկցող անձի թույլտվության լքել խումբը;
  • անտեսել ծրագրի ղեկավարների կամ բժշկի ցուցումները;
  • խախտել ներքին կանոնակարգը (տե՛ս justdilijanit.org);
  • օգտագործել, պահել/տարածել ալկոհոլային խմիչքներ, ծխախոտ, ունենալ լուցկի, կրակայրիչ կամ պայթուցիկ նյութեր;
  • առանց անհրաժեշտության կամ ծրագրի ղեկավարների թույլտվության գիշերային ժամերին (22:30-08:00) լքել սենյակը, խանգարել մյուս մասնակիցների հանգստին;
  • հայտնվել այլ մասնակիցների սենյակներում՝ առանց նրանց թույլտվության;
  • հոգեբանական կամ ֆիզիկական վնաս հասցնել մյուս մասնակիցներին և անձնակազմին;
  • իր անձի և շրջապատի համար վտանգ պարունակող գործողություններ կատարել;
  • լողալ լճակում կամ լողավազանում առանց  լողի մարզչի/փրկարարի թույլտվության և հսկողության;
  • կանխամտածված վնաս հասցնել ճամբարի սարքավորումներին և գույքին
  • զբաղվել շորթմամբ, սպառնալ,  գողանալ, իրացնել ուրիշին պատկանող իրերը;
  • խախտել հրդեհային անվտանգության կանոնները;
  • մասնակցել կամ կազմակերպել մոլախաղեր, խաղադրույքներ, փողի հետ կապված ցանկացած խաղ կամ մրցում;
  • Զենք կրել, ունենալ պայթուցիկ և այրվող նյութեր, ինքնապաշտպանության սարքեր, պահպանման կարճ ժամկետ ունեցող մթերքներ, ուժեղ ազդեցություն ունեցող դեղամիջոցներ։

Եթե դեղամիջոց օգտագործելու անհրաժեշտության կա, ապա այն փոխանցվում է բժշկին, ով վերահսկում է դրա ընդունումը: 

Ինչպե՞ս է կազմակերպվելու երեխաների շրջայցը քաղաքում։

Ճամբարի կանոնակարգի համաձայն՝ երեխան իրավունք չունի ինքնուրույն լքել ճամբարի տարածքը։ Ճամբարից բոլոր մուտքերն ու ելքերը տեղի կունենան անվտանգության աշխատակիցների և մանկավարժների ուղեկցությամբ։

Ինչպե՞ս է երեխան պահպանելու իր հագուստի մաքրությունը։

Ճամբարի տարածքում կա ինքնասպասարկվող լվացքատուն։ Շաբաթական մեկ անգամ մենք երեխաներին հնարավորություն կտանք լվանալու իրենց իրերը: Այդ գործում նրանց կօգնեն։ Անհրաժեշտության դեպքում, բնականաբար, հնարավոր է ավելի հաճախ օգտվել լվացքատան ծառայություններից։ Մենք կտրամադրենք լվացքի փոշին և այլ անհրաժեշտ միջոցները։