Ընտանեկան ծրագրեր
Ակտիվ հանգիստ 6-9 տարեկան երեխաների և նրանց ծնողների համար
JUST DILIJAN IT! ընտանեկան նոր ծրագրերը ներկայացնում են ակտիվ հանգիստ 6-9 տարեկան երեխաների և նրանց ծնողների համար հաճելի միջավայրում: Այստեղ մեծահասակները կարող են ընկնել մանկության գիրկը, երեխաները զգալ իրենց մեծահասակների դերում, իսկ բոլորը միասին զվարճանալ ու ստեղծագործել:
2018 թվականին մենք առաջին անգամ անցկացնելու ենք 4 հագեցած ծրագիր ամբողջ ընտանիքի համար, որոնց հավասարապես մասնակցելու են թե՛ երեխաները, թե՛ մեծահասակները: Դուք ոչ միայն կհանգստանաք և երեխաների հետ ժամանակ կանցկացնեք, այլև կհանդիպեք նոր համախոհների և ընկերների, կլիցքավորվեք արևի ջերմությամբ և սարերի թարմ օդով:
Մեր ծրագրերը կազմված են այնպես, որ հետաքրքրեն բոլորին: Ամեն օր կանցկացվեն ընդհանուր վարպետության դասեր, որոնց կմասնակցեն թե՛ երիտասարդ, թե մեծահասակ մասնակիցները՝ միասին կյանքի կոչելով ստեղծագործական նախագծեր: Ծնողների համար նախատեսված է հատուկ ծրագիր, որի ընթացքում մեր մասնագետներն ու ջոկատավարները կզբաղեցնեն երեխաներին բազմազան վարպետության դասերով և այլ հետաքրքրաշարժ զբաղմունքներով:
